石鍋堂

營業中

休息中

放工約了朋友行旺角，好耐冇行過女人街，我感覺女人街大勢已去，少咗遊客，感覺有點冷清。朋友介紹了一間就在女人街的石鍋堂吃烏冬，難得店內坐得滿滿，仲有人等位， 應該實力有番咁上下。海鮮石燒手打烏冬上枱時用石鍋上滾熱辣，D湯仲滾吓滾下，最啱呢個時候夜晚有少少寒意就至啱食， 海鮮材料十分豐富，有大大隻元貝，大大塊蟹柳 ，幾隻鮮活蜆， 仲有兩隻大蝦，烏冬很滑，湯底很鮮味，果然名不虛傳，在餐牌上寫著每日經過18小時淆製而成， 一向不好湯底的我也忍不住飲了半碗，吃完之後還有，少少甜品送添。雖然環境有點焗促和擠擁， 但咁好味都是值得的。