影片
更多
2022-08-14
100 瀏覽
旺角站📍潮州鹵漢大飯店-間唔時就想打邊爐既癮又起，今次試下呢間潮州鹵漢大飯店，主要係而家有二人同行一係半價優惠😂120分鐘海鮮牛肉火鍋任食一去到女朋友就出去巡下有咩熟食😋有潮式拼盤、炸物、蒸海鮮、小炒等等。推介胡椒咸菜豬肚湯，夠重胡椒味，驅寒健脾，而且好多料😋未打邊爐都飲左兩碗！另外仲有鹵水鵝件、鹵水薰蹄，一份份用保鮮紙包好，幾衛生。蒸海鮮就要睇運氣，都幾好彩分別試到蒜蓉粉絲蒸蠔同剁椒蒸青口😍十分惹味（不過好快比人掃晒，呢個真係睇運）打邊爐之前試埋個潮汕汁醃🤪分別有蟶子、花甲、海蝦、三文魚、墨魚仔、魚生同埋蟹，超級豐富。海鮮醃得入味，微辣多蒜，幾開胃。食完之後d牛都仲未黎🤔用qr code落單好處就係可以睇返，點知原來未禁傳送訂單🤥唔怪得等極都未黎🤯😂打邊爐湯底都有好幾款，有招牌鹵水鍋、皮蛋芫茜鍋、特色麻辣鍋 、清雞湯鍋、秘製沙嗲鍋同豬肚金湯花膠雞鍋（加$98）。如果要鴛鴦鍋加$48。我地就試左招牌鹵水鍋。鹵水鍋幾香鹵水味，食落有種幾醇既感覺，完全唔洗加任個醬汁都夠晒入味🤪👍🏻本身個鍋有少少豬紅、鹵豆腐。肉類方面，order左澳洲草飼黑安格斯肥牛、特級封門柳、安格斯牛小排、精選和牛。牛
-
間唔時就想打邊爐既癮又起，今次試下呢間潮州鹵漢大飯店，主要係而家有二人同行一係半價優惠😂
120分鐘海鮮牛肉火鍋任食
一去到女朋友就出去巡下有咩熟食😋有潮式拼盤、炸物、蒸海鮮、小炒等等。推介胡椒咸菜豬肚湯，夠重胡椒味，驅寒健脾，而且好多料😋未打邊爐都飲左兩碗！另外仲有鹵水鵝件、鹵水薰蹄，一份份用保鮮紙包好，幾衛生。蒸海鮮就要睇運氣，都幾好彩分別試到蒜蓉粉絲蒸蠔同剁椒蒸青口😍十分惹味（不過好快比人掃晒，呢個真係睇運）
打邊爐之前試埋個潮汕汁醃🤪分別有蟶子、花甲、海蝦、三文魚、墨魚仔、魚生同埋蟹，超級豐富。海鮮醃得入味，微辣多蒜，幾開胃。
食完之後d牛都仲未黎🤔用qr code落單好處就係可以睇返，點知原來未禁傳送訂單🤥唔怪得等極都未黎🤯😂
打邊爐湯底都有好幾款，有招牌鹵水鍋、皮蛋芫茜鍋、特色麻辣鍋 、清雞湯鍋、秘製沙嗲鍋同豬肚金湯花膠雞鍋（加$98）。如果要鴛鴦鍋加$48。我地就試左招牌鹵水鍋。鹵水鍋幾香鹵水味，食落有種幾醇既感覺，完全唔洗加任個醬汁都夠晒入味🤪👍🏻本身個鍋有少少豬紅、鹵豆腐。
肉類方面，order左澳洲草飼黑安格斯肥牛、特級封門柳、安格斯牛小排、精選和牛。牛肉overall質素唔錯，牛味濃，薄切，油脂分布均勻。
另外要左鴨血、手切脆鯇魚片、海蝦、蜆、手打黑松露墨魚滑、響鈴、山根等等。脆鯇魚片爽口彈牙👍🏻海蝦都新鮮爽口，d肉唔會霉🦐黑松露墨魚滑幾香黑松露味，而且口感彈牙👍🏻
外面有自助區，丸類、菜類等等任君選擇。比較特別既配料有花雕醉雞片、豬肚、豬皮 （大大片）、鵝腸、潮汕牛丸等等。另外仲有潮州伊麵，超igable，食落就似幼麵質地，不過同個湯底都幾夾👍🏻
野飲方面，有各式冷泡茶（自家製）、汽水，款式唔算太多。但有Hoegaarden rosee😍出面買最平都$8一枝！當然往死裡飲🍻🍻
由於食得太飽，甜品都冇咩位食，見到出面有反沙芋都食唔落了😂😂🙏食左杯雀巢雪糕🍦，女朋友就食條雪條。
環境方面，濃濃既中國風裝修，好似真係去左大陸既飯店咁。鮮紅顏色為主調，配上大大既燈籠🏮、摺扇等裝飾，喜慶味濃。座位間距適中。另外餐廳既碗筷都好有特色。
平日早去就多數唔洗排隊，不過一到7點幾都全場滿座，建議book定位先🤪而家做緊優惠：9月30號之前，4人同行1人免費，2人同行就一人半價，可以一戰🔥
0 瀏覽
0 讚好
0 留言
2 瀏覽
0 讚好
0 留言
4 瀏覽
0 讚好
0 留言
13 瀏覽
0 讚好
0 留言
13 瀏覽
0 讚好
0 留言
3 瀏覽
0 讚好
0 留言
1 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
2 瀏覽
0 讚好
0 留言
張貼
