影片
更多
2023-12-12
53 瀏覽
荃灣一直係美食雲集既一個地方，乜類型既食物都應有盡有，但係滷水台式麵又好似唔覺有，咁啱行過個細商場，見到呢間滷友記，當然要食食佢！小店裝修來講都幾用心同精緻，成個鋪面燈光好夠同好整潔，坐低已經覺得好舒服。望下個餐牌，又係一個賣點，60蚊唔使一個麵仲包飲品，個價錢真係好親民！咁來得以滷為名既鋪頭，梗係食佢既滷水牛三寶麵，睇下有冇對得住佢個招牌。碗麵叫完唔使好耐就到，牛三寶分別係牛筋，牛肚同牛𦟌，牛筋炆得又冧又入味，牛肚一咬就斷，滷水味又足，唯一要彈就係個牛𦟌，切得太大舊，仲要兩大舊咁多，真係食死人。個台灣麵彈牙，配上滷水湯，真係襯到絕。店家仲有自製醬料，一個係辣椒醬，一個係蒜辣醬，我加左少少蒜辣醬落湯到再食，個層次感出哂來，滷水湯配上蒜味加少少辣，又挑起我個食慾，真係神來之筆。幾十蚊就食到既平民高質小店，真係要介紹大家去食！
小店裝修來講都幾用心同精緻，成個鋪面燈光好夠同好整潔，坐低已經覺得好舒服。望下個餐牌，又係一個賣點，60蚊唔使一個麵仲包飲品，個價錢真係好親民！
咁來得以滷為名既鋪頭，梗係食佢既滷水牛三寶麵，睇下有冇對得住佢個招牌。碗麵叫完唔使好耐就到，牛三寶分別係牛筋，牛肚同牛𦟌，牛筋炆得又冧又入味，牛肚一咬就斷，滷水味又足，唯一要彈就係個牛𦟌，切得太大舊，仲要兩大舊咁多，真係食死人。個台灣麵彈牙，配上滷水湯，真係襯到絕。店家仲有自製醬料，一個係辣椒醬，一個係蒜辣醬，我加左少少蒜辣醬落湯到再食，個層次感出哂來，滷水湯配上蒜味加少少辣，又挑起我個食慾，真係神來之筆。
幾十蚊就食到既平民高質小店，真係要介紹大家去食！
張貼
