燈籠滷味 (登龍街) (已結業)

係銅鑼灣睇完戲，就諗住附近搵啲野食。銅鑼灣登龍街成條都係食街，所以就去睇下有咩試啦，去到街尾，就見到呢間賣台灣滷味嘅餐廳。睇完餐牌就係自己叫幾多食幾多，啱晒未太肚餓又想食下野嘅狀態。自選左自己嘅滷味配搭，職員就按排隊次序獨立每碗煮，所以都要啲時間等候。食完覺得個滷汁香料底做得唔錯，夠香！揀左啲冇咩味嘅食材，都掛晒啲滷味汁。最後叫多碗糖水試下，碗底係有冰碎做底，好似台灣街邊啲甜品咁，芋圓都幾q彈，值得一試。