位於大坑嘅順興係偏僻左啲 但老實大坑的確有唔少好野食架
熱辣辣出哂汗行一敞都值得嘅
為食好西真係可以去到好盡呢！
1
下午三點到達 聽講平時大排長龍 但去到竟然岩岩好唔洗等位！實在太滾動了！
不過都有唔少人等外賣中
3
順興都真係唔休做喲哈哈 營業時間係0700-1600 想覓食嘅朋友仔留意番啦 免得摸門釘
環境係一般茶記feel 不過都算係乾淨企理嘅
見到十枱有九枱都係食滑蛋飯
可能已經接近打烊 最想食嘅招牌滑蛋叉燒飯已經賣哂
最後叫左滑蛋牛肉飯！另加一個滑蛋菠蘿油
滑蛋牛肉飯好快就上碟啦
Wow！！！屬愛蛋之人嘅豬小姐見到滑劣劣水潤嘅滑蛋不禁心心眼加吞口水
豬先生見到我尼個為食豬樣表示非常無奈哈哈
呈漂亮橙黃色嘅流心半熟炒蛋平均咁鋪係白飯面 蛋香香氣撲鼻 真的抗拒不了
滑蛋做得真好！半生熟蛋液緩緩流出 口感滑溜柔軟 加上青澀蔥粒作陪襯 已經無得輸
唔止有滑蛋 仲有滑牛！
牛肉已經預先醃製過 棕色嘅牛肉入味有肉汁 口感軟腍 唔會有筋或帶韌 抵讚
仲有加分位
就係放在旁邊嘅熟油豉油 油香令成件事更完美更滋味！令主角滑蛋無需調味已足夠有餘 趁熱食真心好滿足！！！
仍在回味中……
滑蛋菠蘿油同樣比到我地驚喜！
兩層菠蘿包和滑蛋加埋有一定嘅厚度 厚到豬小姐要分兩層去食
1
當揭開後會見到順興拿手嘅滑蛋 份量一啲都唔吝嗇呀！又滑又香嘅蛋望落去已覺得治癒
菠蘿包新鮮出爐 熱辣辣好脆口！菠蘿包脆皮甜甜的有夠過癮！
一大舊牛油就唔覺眼了 不過就有牛油同埋練奶塗係底層嘅包包做夾心
很邪惡！
味道好夾唔唐突 一試難忘呢！
尼個滑蛋菠蘿包絕對有資格做順興嘅signature！
越簡單嘅食材越難煮得出色！就好似雞蛋咁！順興可以將普通嘅雞蛋煮得咁出神入化 真心欣賞
