兩姊妹涼皮有限公司 (青山道) (已結業)

經openrice落單外賣自取，差唔多時間就落去拎，咁就唔駛係放飯時間同人逼，有排等喇😎 咁啱小店出面搭哂棚，唔太起眼，但出面有好多打工仔等緊拎外賣。店內完全唔似係餐廳，呢度只係做外賣，無堂食。第一次食當然首選✨招牌兩姊妹涼皮✨，配有芫荽、蔥、花生、青瓜絲、豌豆；🌶辣度就揀左小辣；配料方面，我就揀左✨豬肚絲✨同✨火雞腎✨ 一打開外賣盒，已經聞到芫荽同麻辣香🤤 配料份量比想像多。 涼皮夾起晶凝Q彈… 第一啖食，嘩！涼皮涼浸浸，仲好滑溜，好似食緊啫喱既感覺，咁熱既天氣食，真係透心涼😍😍 佢既麻辣醬汁超正！微酸得黎帶點麻辣，隻麻係帶後勁，食完成個口腔仲keep到，係我鍾意既麻辣❣️（下次會揀中辣多麻😚）加埋佢本身既芫荽、蔥同青瓜絲，撈埋一流！（芫荽控覺得芫荽簡直提升左成個味道😎）豌豆夠哂脆卜卜，與涼皮滑捋捋既口感截然不同，但又異常地夾👍🏻👍🏻豬肚絲好有咬口❣️火雞腎爽口得黎夠入味❣️食完真係意猶未盡🥴🥴 看似細細碗，食完又幾夠飽肚喎！ 強烈推介🌟🌟🌟🌟🌟🌟 我一定會回頭再食👍🏻