貓之眼

營業中

休息中

今日去咗灣仔見客，經過汕頭街嘅時候發現有間排長龍嘅咖喱蛋包飯，於是就入去食下，入面嘅座位唔係好多，好快就坐滿晒。鋪頭係以開放式廚房煮食，可以好清楚見到師傅煮緊啲乜嘢，佢比我嘅感覺係家庭小店睇嚟之前雜誌真係冇介紹錯我冇叫招牌嘅三色咖喱飯，反而係叫咗咖喱豬肉+燴牛肉汁蛋包飯。個咖喱飯非常足料，估唔到啲豬肉同牛肉都多過啲飯，先講下個咖喱豬肉，咖喱唔算太辣，可能煮咗好耐嘅關係，啲豬肉都好入味，而且唔會太鞋，易會牛肉汁有啲似紅酒燴牛尾個汁，真係淨係食個汁已經夠飽，份量實在太大，最後不得不提嘅係佢個炒滑蛋真係滑嘟嘟一啲都唔老，鍾意食咖喱蛋包飯嘅人不得不黎試下😛