叉燒丼家

營業中

休息中

今次嚟到呢間位於美食廣場嘅燒味舖，當然要試試我最鍾意嘅豉油王雞髀啦。我就叫左呢份豉油王雞髀滑蛋飯。 佢俾咗一隻好大嘅雞髀我，今次發達啦。 隻豉油王雞髀好滑，好似新鮮雞咁，呢隻雞脾，都醃得唔錯，真係即刻要爬多兩啖飯食。 除咗隻雞髀又點少得佢哋嘅滑蛋啊，將滑蛋連埋飯食，簡直係人間天堂， 估唔到滑蛋係呢間燒味舖會係一個焦點黎。除咗豉油王雞髀滑蛋飯，我仲叫多咗個叉燒半斤食，佢嘅叉燒應該係呢間燒味舖嘅招牌菜， 出乎意料地好食，因為佢嘅叉燒肉質真係好彈口下， 將呢舊叉燒連埋白飯食簡直係食唔停口啊。