想搵平靚正嘅嘢食真係少啲🧐
經過呢間茶餐廳
下層外賣 上層堂食
門面雖然唔大 但感覺乾淨企理
見到價錢都唔算太貴
一於試吓新嘢🤓
呢個餐廳主要做午市
以港式飯餐為主
都算幾多選擇
大多數飯都係$70有找💰
係中環區嚟講都算係咁
蜜汁叉燒滑蛋飯個賣相好吸引！
個滑蛋炒得好夠滑
嫩得嚟又不失蛋香
不過就覺得油咗啲🤔
食完碗底都有啲油
叉燒嘅份量都唔少
以瘦叉燒為主
神奇在佢嘅瘦叉又唔會令你覺得好柴
食落好軟腍 唔會感到好膩！💯
仲加咗啲蔥一齊炒蛋
重點係個秘製豉油汁‼️
甜甜地唔會死鹹🤤
撈飯一流！
今次叫咗少飯
但飯量都算幾多！
我諗正常飯應該好夠食🤰🏻
