真係每個月食一次都唔過份
除左燕窩雪燕等滋補糖水
仲有小食同湯🥣賣
唔同份量嘅選擇都有
🔸摩洛哥藍莓牛奶燉雪燕 (1公升裝)
1公升裝有7-8碗嘅份量。雪燕嘅口感好滑順，同燕窩口感相似。雪燕有豐富嘅膠原蛋白，定時食一食，皮膚都靚d🤭加上藍莓🫐嘅酸甜味同牛奶🥛嘅香濃味道，令味蕾感受到豐富嘅層次，味道又唔會太甜！
🔸椰香奶凍雪燕 300ml (胖胖杯)
奶凍有濃濃奶味，而且口感非常柔滑，加上椰香味道濃郁，令人感受到一股清新嘅熱帶風情。雪燕本身就有啲彈牙，而奶凍質感非常細膩！上層係液體狀，下層係奶凍，混合一齊食勁正。
🔸冰川烤雪梨桃膠
口感非常清新，加上冰涼嘅感覺，非常適合夏天食用。雪梨本身就有啲脆爽，而經過烤製後，令味道更加甜。有爆多桃膠在內，每啖都食到！
🔸花雕酒醉日本溏心蛋
溏心蛋本身就好滑嫩，加上花雕酒嘅醇香味道，令味道更加豐富。花雕酒嘅酒香味同燉蛋嘅蛋香味混合埋一齊，就好似一種香濃嘅湯汁，令人垂涎欲滴。
