啖啖燕窩 (駿運工業大廈)

營業中

休息中

呢間滋補燉品店一直喺網上好受歡迎，成日見到有唔同公眾人物介紹，去開觀塘所以就決定試吓，一嚐滋補湯水~🥣 冰川雪梨雪耳+ 紅棗杞子燉桃膠雪燕 $188材料非常之豐富，無論係雪梨、雪耳定係桃膠，份量都十分足料，而且味道清涼清甜，唔係化學甜味，紅棗同杞子更能帶出清甜味，而且偏軟有咬口，口感一流。🐔 麻辣雞翼尖 $48雞翼尖非常惹味，醬汁香濃偏辣，啱晒鍾意食辣嘅朋友，而雞翼尖外皮嫩口，吸收曬惹味嘅麻辣汁，令人想一直追食。🥛北海道3.6牛奶桃膠飲 $48味道好香、質感軟滑，唔會太稀身，都重牛奶香味，甜度唔會死甜，而且配上足料桃膠，口感幾有層次。