影片
更多
2018-03-06
38 瀏覽
呢幾日冷峰殺到，氣溫驟降，最啱就係打邊爐！今次同朋友試海鮮任食火鍋 ($368)，星期一至四夜晚9點後入座仲有7折！鍋底揀左花膠螺頭雞鍋，每日新鮮熬製，非常足料，加入紅棗等食材飲完好滋潤。湯頭鮮味十足，冇加味精，飲多幾碗補下先。海鮮拼盤、手工配料、炸響鈴、炸魚皮係按位上，另可任食其他火鍋配料同埋任飲汽水。海鮮拼盤包括扇貝、青口、鮑魚、大蝦、蠔、珍珠蚌、象拔蚌，非常豐富。手切安格斯牛頸脊肥牛片肉質軟腍，脂肪分佈平均，肉味亦夠濃。手工配料包括豬肉釀冬菇、各款丸類、水餃等。真係未食過咁粗嘅炸響鈴！大條到要剪成幾份先淥，不過口感唔夠脆。食到好飽最後仲有甜品送！心太軟外層微脆，一切開朱古力漿澎湃流出，味道濃郁唔太甜，好滿足！
呢幾日冷峰殺到，氣溫驟降，最啱就係打邊爐！今次同朋友試海鮮任食火鍋 ($368)，星期一至四夜晚9點後入座仲有7折！
鍋底揀左花膠螺頭雞鍋，每日新鮮熬製，非常足料，加入紅棗等食材飲完好滋潤。湯頭鮮味十足，冇加味精，飲多幾碗補下先。
海鮮拼盤、手工配料、炸響鈴、炸魚皮係按位上，另可任食其他火鍋配料同埋任飲汽水。海鮮拼盤包括扇貝、青口、鮑魚、大蝦、蠔、珍珠蚌、象拔蚌，非常豐富。
手切安格斯牛頸脊肥牛片肉質軟腍，脂肪分佈平均，肉味亦夠濃。
手工配料包括豬肉釀冬菇、各款丸類、水餃等。
真係未食過咁粗嘅炸響鈴！大條到要剪成幾份先淥，不過口感唔夠脆。
食到好飽最後仲有甜品送！心太軟外層微脆，一切開朱古力漿澎湃流出，味道濃郁唔太甜，好滿足！
張貼
