椰粉湯紅 (已結業)

今晚去到灣仔軒尼詩道椰粉湯紅買個外賣做晚餐，門面設計同室內設計都好特別。香港人真係好需要滋補吓，呢間餐廳正正提供到香港人嘅需要。我買咗一個糖脆灸燒豬頸肉椰香蛋包飯，再加是日食療拿杯湯。 廚師超用心做個蛋包飯，首先，每一片豬頸肉都肥瘦適中，而且燒上有一層糖脆，口感非常豐富。蛋嘅份量十足，椰汁分開包裝，淋上蛋包飯，每一口都係滑溜嘅蛋加椰汁，送飯一流。另外一個晚餐都達到均衡飲食，有秋葵，粟米，南瓜，蕃茄，令成個畫面更吸引。是日食療杯湯係霸王花合掌瓜百合湯，係「美肌」呢兩個字吸引到我，有湯飲吓先係完整嘅一餐！