啖啖燕窩 (駿運工業大廈)

營業中

休息中

留意咗呢個品牌一段時間，知道佢地觀塘有門市，咁啱假期去開觀塘覓食就上咗去入手咗幾款產品試試。目標當然係即食燉燕窩同花膠，補身嘅產品，而除此之外佢地仲有其他手工食品，好似果醬同奶凍等。即食燉燕窩有分兩種size，屋企人多所以揀咗大版1060ml，可以分到5碗，啱晒多人分享呢！口味有好多，而蜂蜜北海道3.6牛奶木瓜燉桃膠雪燕2合1就滿足晒我幾個願望啦～牛奶燉木瓜不嬲係我最愛，再加埋桃膠、雪燕滋補食品，同埋用上北海道3.6牛奶夠晒真材實料。雪燕睇落係密麻麻一點點但其實舀時會見到拉絲一條條嘅燕窩，桃膠更係大大粒口感佳。木瓜量都幾多，甜到入心！花膠除咗燉嘅仲有包裝麻辣花膠，夠晒新潮啱晒嗜辣嘅後生仔想試新嘢嘅心。一包都有5-6條，仲要塊塊都幾大塊，無欺場。麻辣味超入味之餘，花膠本身煮得夠透又不失漿口嘅骨膠原感。食落同睇落一樣咁辣，應該有中辣嘅程度呢，好過癮。佢地仲有售台灣Dainties多功能手工果醬，有幾種口味包括草莓、百香果鳳梨、雜莓、芒果。我就揀咗特別啲嘅百香果鳳梨果醬，見到相當多百香果籽仲有鳳梨果肉係入面呢！仲試埋細細盒嘅特濃3.6牛乳奶凍，一開蓋就見到動L嘅奶凍，嫩嫩質感又濃厚嘅牛奶味。