匯倫館私房菜 (已結業)

旺角有間匯倫館私房菜幾正！樓高2層，光猛又坐得舒服！menu菜式精嫩又幾抵食！

紅燒bb鴿，顏色立立令！外層香脆燒到好香口，肉質嫩滑，唔使任何調味都好特出。肥美肉又厚！

避風塘炒龍蝦，顏色紅卜卜幾靚， 避風塘style炒到好香口，蒜粒惹味！龍蝦肉質夠鮮，而且又夠多肉，啖啖肉又惹味，好正。

魚肚浸勝瓜，魚湯鮮甜無味精，勝瓜嫩淋，魚肚精緻綿密，吸收哂魚湯精華相當高質。

瑤柱蛋白炒飯，炒得好好，足料又夠大碟！碟底無油炒得夠乾身又有鑊氣。廚師功力有番咁上下！相當高質抵食。
想食中菜，不訪一試！實鐘意。