2DP (已結業)

尖沙咀糖水舖唔係好多,呢間算係成日幫襯,因為甜品款色多,仲有好多滋潤糖水我自己就鍾意食冰類,所以叫左個蜜瓜牛乳刨冰,蜜瓜肉好甜好熟,加埋牛奶味好濃gei刨冰都幾爽,夏天真係必點!!呢個刨冰都幾大份,建議3個人開心share~~~朋友點左個士多啤利窩夫配鐵觀音雪糕，個雪糕真係好濃鐵觀音味，又唔算太甜，真係幾高質，不過Ｄ水果就好酸，所以放棄了．．．而窩夫新鮮上檯熱辣辣夠脆又有好香蛋味，我覺得整體算好好，可以encore(但會食選擇其他水果)養生組朋友唔食凍野,點左冰糖桃膠燉木瓜同紅棗桃膠燉雪梨，一睇個樣都覺得滋潤！不過我覺得前者冰糖過多，仲要好多都唔溶...木瓜肉都整得幾林幾好食，但無咁甜會好好多；雪梨上面有Ｄ金箔，賣相精美，加上微甜紅棗同骨膠原補充的代表桃膠，呢個相對好食同容易入口，想潤Ｄ就叫佢啦。