鉄人旨花

營業中

休息中

之前已經食過好幾次呢度嘅廚師發板，對佢哋嘅出品都好有信心，所以今日就同埋朋友一齊黎食鐵板燒慶祝生日。朋友最鍾意食龍蝦🦞，所以我哋就叫咗個龍蝦餐～店員會先送上沙律🥗沙律嘅醬汁酸酸地，特別開胃。第一道菜係煎鱈魚🐟，個醬汁同鱈魚好夾，帶點微甜，魚肉充滿鮮味，唔錯。之後就到主角出場！海龍汁龍蝦，兩樣矜貴嘅食材兩合為一，海膽味道濃郁，龍蝦肉質鮮嫩。奶油蘆筍，平日甚少食蘆筍，更加唔知原來奶油同蘆筍可以咁夾。奶油醬汁十分香甜，蘆筍爽口。A5和牛有三種配搭，包括蒜片，海鹽及芥末。三種方法我都好鐘意，但我覺得係唔加任何配料，原汁原味係最正！和牛炒飯，米飯粒粒分明，每一粒都有牛肉嘅油香。食完咁多肉類，飲返碗清酒雞湯，即刻冇咁膩，而且酒味濃淡適中，唔會過火。