影片
更多
2018-05-16
86 瀏覽
尋日放工去旺角行街，之後想食韓國燒烤，我哋兩個就去咗“Oppa Korean Restaurant”，位置近住水務局對面， 我哋早去所以唔洗等位。前菜有泡菜、芽菜同海苔，食完可以再添食，泡菜唔算辣，就咁食都得。加拿大牛排骨$128牛排骨醃到好入味，厚薄適中， 一卷上碟，放落煎板唔使一陣就已經熟，燒肉我最喜歡用生菜包住嚟食，一來會冇咁熱氣，二來感覺健康啲，有時我仲會夾埋一啲泡菜或芽菜一齊食，可以食到唔同既口感同味道。五花腩$98一碟有三大塊五花腩，肥瘦適中，可以分開一塊一塊嚟燒唔洗一次過燒曬一大舊，五花腩口感豐富，少少嘅肥膏加彈牙既表皮感覺爽口， 五花腩無需醃製，燒好之後只要加一點裝已經夠，個人喜歡將五花腩剪成小塊食，會更加食到肉味。冰鎮鮑魚$88唔想淨係食韓燒，我哋點咗一份冰鎮鮑魚，鮑魚嘅份量都唔少，配合芽菜一齊食非常爽口，鮑魚帶鮮甜味又彈牙，絕對值得一試。韓式炸雞$88一碟有五至六件炸雞，即叫即炸，所以上碟熱辣辣，食嘅時候小心辣親咀，不過炸雞嘅質素就一般般，始終Oppa餐廳唔係專營炸雞，雞肉夠嫩滑，但係炸粉太多，所以感覺有啲油利。西瓜冰$58食韓燒最好就係點一啲冰凍嘅飲品一路食一路飲
前菜有泡菜、芽菜同海苔，食完可以再添食，泡菜唔算辣，就咁食都得。
加拿大牛排骨$128
牛排骨醃到好入味，厚薄適中， 一卷上碟，放落煎板唔使一陣就已經熟，燒肉我最喜歡用生菜包住嚟食，一來會冇咁熱氣，二來感覺健康啲，有時我仲會夾埋一啲泡菜或芽菜一齊食，可以食到唔同既口感同味道。
五花腩$98一碟有三大塊五花腩，肥瘦適中，可以分開一塊一塊嚟燒唔洗一次過燒曬一大舊，五花腩口感豐富，少少嘅肥膏加彈牙既表皮感覺爽口， 五花腩無需醃製，燒好之後只要加一點裝已經夠，個人喜歡將五花腩剪成小塊食，會更加食到肉味。
冰鎮鮑魚$88唔想淨係食韓燒，我哋點咗一份冰鎮鮑魚，鮑魚嘅份量都唔少，配合芽菜一齊食非常爽口，鮑魚帶鮮甜味又彈牙，絕對值得一試。
韓式炸雞$88
一碟有五至六件炸雞，即叫即炸，所以上碟熱辣辣，食嘅時候小心辣親咀，不過炸雞嘅質素就一般般，始終Oppa餐廳唔係專營炸雞，雞肉夠嫩滑，但係炸粉太多，所以感覺有啲油利。
西瓜冰$58
食韓燒最好就係點一啲冰凍嘅飲品一路食一路飲，我哋點咗杯西瓜冰， 豐富嘅新鮮西瓜甜味解渴一流。
張貼
