相馬日式火鍋 觀塘 (已結業)

今日約咗一班朋友喺觀塘聚會食飯，訂咗枱喺相馬日式火鍋食一個豐富嘅放題餐，呢一個套餐有一個任食羊肉煲，胡椒花膠湯，蒸海鮮和肉類海鮮火鍋。任食羊肉煲，濃郁惹味。羊腩肉🐏埋枝竹和生菜🥬，食得津津有味。唔夠食可以叫侍應再加，食到飽為止。不過一陣仲有其他嘢食，所以都唔使喺一開始就食得咁飽。蒸海鮮都係香味十足。海鮮新鮮彈牙，分別有粉絲，扇貝、沙白、🦐蝦、鮑魚、魚，貴妃蚌等多種精選海鮮。用蒜蓉🧄蒸，又好香嘅蒜蓉味和充滿海鮮鮮味，粉絲更加係吸左蒜蓉和海鮮嘅精華，成為漩渦中最好食嘅食物，真係好味到一啲都唔想返俾人食。仲有一個鍋可以食生菜、金菇、粟米、午肩胛、生蠔、魷魚、帶子、蟹柳和蝦等多種肉類和海鮮。粟米🌽香甜，飽滿又多汁。午肩胛的肉質鮮美，有香濃牛肉味。生蠔🦪肉厚鮮甜滋味、魷魚🦑彈牙，帶子鮮嫩和蟹柳鮮甜啖啖肉。