越旺美食 (已結業)

今日擺底架車去維修，順便係附近食Lunch，今日我地去左越旺美食食Lunch。餐廳主打東南亞美食，餐牌款式多元化，有越南小食、越南飯類、越南炒飯類、越式湯粉、秘製咖哩、海鮮類、越南特飲等等，超級多選擇。咖哩魷魚以到既咖哩有分印度咖哩和越南咖哩，印度咖哩用好多香料炒，味道較為辛辣，而越南咖喱椰汁味會比較重，辣度都可以選擇，我地簡左印度咖哩，3分辣度，印度咖喱辣度強烈兼濃郁，入面有大量魷魚，配以千層薄餅一齊食，好滋味。蒜蓉牛油雞翼雞翼新鮮熱辣辣炸起，炸得非常香脆，雞翼夠入味。避風塘金蒜炒蝦炒得好有穫氣，入面有大量韭菜、蒜頭、辣椒，每隻蝦都好大隻，聞起來香味強勁，最緊要夠辣，非常惹味越南咖啡喜歡越南咖啡的苦味，加入煉奶帶出的甜膩口感。