The Pantry Cafe

營業中

休息中

早排同朋友去咗葵芳一間Cafe試新，呢間Cafe有個落地大玻璃，一邊食飯一邊望住窗外嘅夜景，燈火通明，氣氛好chill，新鮮海膽，香煎帶子&蟹肉海膽忌廉汁意粉，一上枱已經聞到海鮮香！海膽新鮮濃郁，入口即化，帶子煎得外脆內嫩，微焦香氣同海膽好夾，蟹肉鮮甜多汁，配上忌廉汁意粉，醬汁濃滑掛汁，意粉煮得啱啱好，彈牙又入味，食完好滿足。烤鱸魚柳伴鯷魚柳牛油，薯茸，炒蘑菇菠菜＆芥末忌廉汁，鱸魚柳烤得皮脆肉嫩，魚肉細膩唔腥，鯷魚柳牛油增添咗份鹹香，薯茸滑到不得了，入口即溶，炒蘑菇菠菜爽口清新，芥末忌廉汁微辣開胃，幾款配搭一齊食層次好豐富甜品Soufflé Ricotta Pancakes, Strawberry Jelly, Custard Sauce，呢款班戟真係不得了！輕盈蓬鬆，Ricotta芝士味香濃但唔膩，士多啤梨啫喱酸甜清新，吉士醬滑溜濃郁，食落好似雲朵咁軟綿，幸福感爆棚。