燒肉酒場 (已結業)

好耐無食燒肉，朋友介紹黎呢度呢度個爐好特別，係拱形，下面放左好多洋蔥，洋蔥吸收左肉汁後好好味架。首先叫左杯桂花水果烏龍茶，又幾清甜，同燒肉幾夾，可以解膩。椰菜絲底有咸咸既醬，幾特別，記得撈勻食，溫泉蛋豆腐沙律，份量幾大，蔬菜新鮮爽脆。柚子雞腿肉，肉嫩多汁，咸香中帶少許柚子香。橫隔肌非常有嚼口，愈咬愈香牛味。伊比利亞梅頭肉香軟細緻，食到油香。美國牛板腱油花均勻，牛味濃香。壺漬牛肋條，鍾意食濃味醬汁不可錯過，肉質軟淋，牛味唔會被醬汁搶去風頭。最後叫左個羊肉湯烏冬，湯清甜而且唔羶，烏冬煙韌，羊肉亦容易入口。