語命Cafe (已結業)

位於旺角先施大廈，無可否認，大廈一啲都唔顯眼，但係物食物味道、賣相唔錯，未嚟過嘅話，真係要過嚟試一試！👍🏻Cafe環境唔錯，以塔羅占卜為主題嘅Cafe🔮，可以占卜之餘，又有歌聽，仲有棋玩，最適合同朋友嚟聚舊，傾心事。💗叫咗黑松露醬薯條🍟，好大碟好抵食！即炸嘅薯條份量多之餘，味道唔錯。加入少許沙拉醬，粒粒黑松露鋪面，好香好入味，啖啖薯條都要連醬一齊食！由於薯條食極都仲有，結果唔夠醬，不過餐廳服務好，可以加醬呢！食咗兩個main course，一個帶子墨汁意粉，一個卡邦尼意粉。兩個意粉都香噴噴，味道濃郁，多汁，落重料，好好味！👅食到個嘴👄黑晒嘅帶子墨汁意粉，兩大粒帶子新鮮，墨魚大大隻🦑，意粉加咗少少tabasco ，香香辣辣，好開胃。卡邦尼意粉比一般多料，煙肉又香又多。忌廉汁味濃，夠晒creamy！仲加咗大量芝士粉，好邪惡😈，不過好食就得啦！🤤兩碟意粉份量多，好滿足！雖然飽飽地，但都要食晒佢！😋🍽飲品方面叫咗一杯「雙子」，一杯「白羊」。「雙子」—藍檸檬梳打，🍹賣相超靚，🍬有夢幻嘅感覺，🍭味道偏甜，唔會酸；「白羊」—🍑白桃乳酸沙冰，白桃甜酸味適中，沙冰增加口感，感覺好清新。