滷友記 (加路連山道) (已結業)

今日放工嘅時候男朋友來接我去食飯，我哋去返平時成日去嘅滷友記到食晚餐！我地覺得佢嘅食物又平又好食。每一次都有驚喜！堅值得去！我哋叫咗好多唔同嘅食物，但我覺得最好味嘅係以下呢幾樣！😋😋🥚溏心蛋肉燥飯🐷呢個有驚喜，肉燥同飯嘅比例岩岩好，唔會因為太多肉燥而變得好漏。而且味道正宗，完全食到係台灣嘅風味。未去到旅行，都可以嚟呢度止住癮先🤣🐷滷水雙拼小食🐮聞到已經流晒口水，有碟有勁香嘅滷水味！食落口真係不得了。豬大腸每一舊都勁肥美，味道又香又濃。金錢肚滷得勁入味，而且口感爽脆，完全唔靭。真係超正！🐓台式酥炸雞扒飯🍚呢個絕對唔欺場。成碗飯大大碗，仲有去炸到脆卜卜嘅雞扒喺上面，外面超脆，入面就好Juicy。口感非常豐富。呢個下次嚟一定要encore！🍺台灣啤酒🍻食得台灣嘢，當然了一罐凍冰冰嘅啤酒！啤酒味道香醇，飲落口涼浸浸。食住台灣嘢飲啤酒真係超爽！