羽壽司 (已結業)

我有一位經常遲到的同事,上次相約我去拉麵橫丁食拉麵,由於佢遲到,所以我不顧而去.今日見到佢,擇日不如撞日...12:30下大雨,我倆狼狽的在街上走.走到目的地發現...拉麵橫丁已在3個月前"執笠",此時此地只好貪近便,行過對面的"羽"食壽司.我地吃了三文魚壽司,帶子壽司,劍魚壽司,鱆紅壽司,黃金白飯魚壽司,蟹腳壽司,希靈魚籽壽司,築地蝦壽司,甜蝦壽司,鯨龍壽司,赤貝壽司,烏賊魷魚壽司...三文魚麻麻地,一夾就分開2邊,舊飯又好易散.最唔新鮮係蟹腳,"梅梅地"又無味!重要成35蚊,簡直搵笨!黃金白飯魚壽司,白飯魚味好濃,但最失敗係紫菜稔0左><!帶子,築地蝦同劍魚最好了,其他的都一般般,但收費又非一般吧...一句講晒,有其他選擇就唔會揀佢.