影片
更多
2010-04-27
15 瀏覽
原來有一篇食評無過，襯得閒就寫埋佢先上次朋友生日介紹去呢間西餐廳度食野，原來咁啱呢間餐廳係我細佬嘅小學同學屋企人開嘅，心諗...試吓無妨去之前已經打左俾細佬個同學仔，佢話餐廳已經full左，問我地介唔介意坐員工休息室果度??其實都無乜所謂啦，就一於咁話啦！"龍蝦湯"...好cream好滑好有龍蝦味，湯內仲有好多龍蝦肉，味道適中..."煙三文魚露筍"...賣相好靚，三文魚咸咸地一d都唔腥，露筍好鮮嫩好爽脆...正"甜蝦"...好新鮮好甜好有蝦味...正"芝士焗生蠔"...面頭芝好香，生蠔幾重海水味，但係一d都唔腥，味道適中...值得一試大蝦天使麵"...蝦好大隻肉質好爽，味道幾鮮好有蝦味，天使麵軟硬適中，整體味道唔錯，有種清新唔肥膩嘅感覺"鵝肝牛柳配意粉"...賣相幾靚，排得好有層次，鵝肝煎我好香無酥味入口即溶...正~牛柳肉質好嫩滑，絕對食唔到有梳打粉味（因本人對梳打粉極之敏感），食入口好多肉汁，味道一流...正~意粉有小小蒜香味比較清淡，加埋醬汁一齊食就啱啱好"煎羊架配意粉"...唔太大件，但係應該夠食~羊架煎得唔錯，啱啱好熟，肉質好嫩滑有小小酥味，但係我覺得要有小小酥味先似食羊囉味
上次朋友生日介紹去呢間西餐廳度食野，原來咁啱呢間餐廳係我細佬嘅小學同學屋企人開嘅，心諗...試吓無妨
去之前已經打左俾細佬個同學仔，佢話餐廳已經full左，問我地介唔介意坐員工休息室果度??其實都無乜所謂啦，就一於咁話啦！
"龍蝦湯"...好cream好滑好有龍蝦味，湯內仲有好多龍蝦肉，味道適中...
"煙三文魚露筍"...賣相好靚，三文魚咸咸地一d都唔腥，露筍好鮮嫩好爽脆...正
"甜蝦"...好新鮮好甜好有蝦味...正
"芝士焗生蠔"...面頭芝好香，生蠔幾重海水味，但係一d都唔腥，味道適中...值得一試
大蝦天使麵"...蝦好大隻肉質好爽，味道幾鮮好有蝦味，天使麵軟硬適中，整體味道唔錯，有種清新唔肥膩嘅感覺
"鵝肝牛柳配意粉"...賣相幾靚，排得好有層次，鵝肝煎我好香無酥味入口即溶...正~牛柳肉質好嫩滑，絕對食唔到有梳打粉味（因本人對梳打粉極之敏感），食入口好多肉汁，味道一流...正~意粉有小小蒜香味比較清淡，加埋醬汁一齊食就啱啱好
"煎羊架配意粉"...唔太大件，但係應該夠食~羊架煎得唔錯，啱啱好熟，肉質好嫩滑有小小酥味，但係我覺得要有小小酥味先似食羊囉味道唔錯...配上薄荷汁食極直一流...正
"西冷牛扒配意粉"...好大件...仲要係兩件添，肉質比較硬身，7成熟啱啱好，唔鞋口好嫩滑~一樣食唔到有梳打粉味...幾重牛味...好食~（女仔一定無可能食得哂，男仔如果比較大食的話就啱哂）
因為我地自己買左蛋糕去，所以無試過甜品，但係總括所有食物我都係讚~仲有呢度嘅老闆娘好好人，佢會好悉心咁介紹所有食物，佢話：「熱食嘅就一定要襯熱食，如果唔係凍左肉質就會有變，咁就無咁好食啦！」
舖面唔大...坐位唔多，所以如果想去試吓就一定要訂位~餐廳地點雖然係隱蔽d，但係都唔難搵，去開荃灣真係要試一試
由於我地係老闆娘囝囝嘅朋友，所以當然有折啦，今餐好好食仲好抵添
張貼
