莆田 (美麗華廣場2期) (已結業)

其實我諗我應該算係莆田嘅擁躉🤭，事關唔止新加坡嘅莆田我有去過， 就連香港莆田我都去過幾間， 不過對於我嚟講，當然尖沙咀分店就比較就腳啦！今晚細佬話佢有野做，叫我take care佢老婆， OK👌，就等我帶佢嚟呢度食晚飯啦， 因為弟婦口味偏清淡， 所以我覺得佢應該會鍾意呢度啲菜式。我地都唔算大食🤭😅😝，所以只係點左幾個簡單菜式，其中有我至愛嘅九轉小腸，味道唔算太濃， 但香口彈牙👍；糖醋皮蛋，酸酸甜甜好開胃，好啱近排食得太多食到膩嘅我；弟婦成日都話頭痛， 所以我專登點左個紅菇燉土雞俾佢補補身， 紅菇滋陰，就算虛不受補嘅佢都啱， 我之前都有飲過， 仲以為已經off menu添， 事關佢係時令限定，咁今次嚟見到仲有，當然即點啦！個湯好清好鮮味， 果然弟婦好欣賞， 我不嬲唔鍾意飲中湯， 所以我只淺嘗了一碗😏。最後我當然翻點了個百秒黃花魚俾愛魚嘅弟婦啦，呢度黃花魚啲肉確係好嫩滑架。是晚餐飯真係專登為佢而設， 我咁樣都算有交代喇掛🤭😁👏。