貳號冰室

呢間茶餐廳嘅早餐幾別出心裁，因為竟然有湯種麵包可以揀，唔洗加錢，味道唔錯，製作認真，香嫩軟熟。如果有煎雙蛋亦都用一啲靚蛋，個蛋味又真係未畀平時食到嘅香。

雪菜肉絲米嘅雪菜係新鮮雪菜，早餐都咁有誠意真係難得。

另一份早餐就係要咗蕃茄湯雞肉通心粉、兩隻烚蛋再加湯種麵包，味道都唔錯，不過個蕃茄湯就好似稀咗少少。

飲品就叫咗凍奶茶少甜小冰同埋熱檸水，啲奶茶幾好飲。