二少廚房 (已結業)

呢排天氣轉涼，剛好我同朋友都鍾意飲湯滋潤，發現呢間餐廳有主食之餘仲有湯水可點選，於是決定去食個晚餐！我哋叫了鹽焗手撕雞飯，手撕雞已經撕到細細條同份量剛剛好，味道香同嫩滑，配飯不錯。另外搭配了蓮藕排骨湯，味道濃郁，蓮藕同排骨入味而不柴，食完個人都暖左。田川酸菜魚飯嘅魚好嫩滑，微辣不膩，亦是不錯選擇。紅棗杞子鮑魚雞湯入口清甜而不膩，材料豐富，能夠明目、滋陰養腎、平肝清熱。總括而言，呢間嘅湯水足料同味道不錯，可以再黎試下。