一盛極牛 (已結業)

趁中秋早放工，特意搵到呢間品評頗高既拉麵店。平時食開既拉麵多以豬骨熬湯，呢間係以牛為主，期待6點一開門就入去，時間太早，包場咁制座位間隔寬落，坐得舒適。 等食時，睇著貼於牆上既舊日劇poster，同朋友討論下睇過既情節。湯拉麵主打只有2款，極牛或白牛，再按照自己口味揀選麵質、配料等等⋯⋯兩款湯底分別在於白牛多加入濃郁既白松露，香味非凡。相同之處係，大家都充滿牛骨味，非常清甜讓人忍不住一啖又一啖咁飲落去。個人較喜愛極牛既味道，偏深啡色，飲到原汁原味既正宗純牛骨湯反而火炙牛肉已不是重點，得三片，質地雖然腍但未到入口即溶，有d失望！