花月宮 (已結業)

收工出尖沙咀搵食 見到新開既火鍋鋪幾靚 就同食肉獸打邊爐 叫咗佢既招牌四格鍋 一次享受到四格湯底同湯料 分別係四川麻辣 藥膳花雕花膠醉雞鍋 黑松露野菌鍋 蕃茄濃湯海鮮鍋 麻辣湯底會有鴨血同埋豆腐 越煮越辣 啱晒鐘意食辣既朋友原來叫佢既藥膳湯底係會跟埋一碗醉雞另上俾你自己落落湯度 件件都唔係碎十十都算大件仲有驚喜既位就係雖然佢係另上俾你自己落 但發現原來煮咗陣先食肉質都仲係幾嫩 都幾驚喜黑松露湯底 就充滿菇既鮮香味 出面較難飲到呢種咁清晰但濃郁既菇味 值得推介 好耐無飲過蕃茄湯 呢度既湯底飲菇似無味精係似住家煲既蕃茄薯仔湯 裡面仲有啲小海鮮 幾唔錯 由於呢度咁多靚湯底 所以叫咗個烏冬 真係超正同食肉獸嚟係必點牛肉 叫咗份美國頂級手切封門柳 肉色望落好鮮艷 滾幾十秒 沾一沾啱啱混好既醬汁 食落除咗醬汁既香濃都無蓋過個陣入口濃郁既肉味 口感又係好好 正 叫返杯大大杯既特飲 真係好爽