大叔拉麵

營業中

休息中

今次去到荔枝角一間以人氣插畫江大叔Chubby Ojisan為主題既拉麵店，店內有好多玩具擺設，佈置既溫馨又可愛，彷如身處於日本既拉麵店。食拉麵既主要靈魂就係湯底，呢間餐廳烹調湯底絕不馬虎，除不含味精外，還用真材實料熬製多個小時而成，睇得出對拉麵有一份熱誠。廣島蠔赤地獄湯拉麵湯底用雞白湯底再加左櫻花蝦辣醬，鮮辣惹味，廣島蠔隻隻脹卜卜，肉質鮮甜，蠔味濃郁，博多地雞肉經慢煮烹調，肉質嫩滑。鹿兒島和牛紫菜牛骨湯拉麵濃郁既牛骨湯底帶有深度既甘香，不禁會想飲多幾啖，和牛肉質軟腍又大片。配料追加日式炙燒豚肉用上西班牙黑豚肉，經慢煮、醬汁隔夜浸泡、火炙共三種步驟，有咬口又彈牙，肉面有火燒既香氣。溏心蛋一口咬下去，半熟既蛋黃流曬出黎，蛋黃味濃郁又香。小食明太子雞翼無骨雞翼釀入明太子，入口肉汁豐富，味道濃郁帶微辣，表皮炸得十分香脆。羽根煎餃子羽根既意思就係有一層輕如羽毛既香脆粉皮，餃子皮薄，肉汁豐富。