醬家 (已結業)

第一次黎既時候唔知逢星期三休息，食佐閉門羹。好彩今日就到時間黎食。佢地提供既拉麵款式唔多，而且可能因為想專注做麵食，冇小食或者配料提供。等同男朋友分別叫佐雞肉什菜同香辣蝦蕃茄拉麵。每款麵都可以揀加唔加辣，而我叫既香辣蝦蕃茄麵就另外加佐辣。以往食過既蕃茄湯底有時會太杰有時又太稀，好少覺得會取到個平衡點，但醬家既蕃茄湯底個人同男朋友都覺得岩岩好，而且就算加佐辣都唔會蓋過蕃茄既酸甜味，愈食愈開胃，加上佢既份量都唔細，一般男仔都好夠飽。蝦同雞肉都不過不失，如果食落冇咁'鞋'，嫩口啲就更完美啦。另外一提既係佢枱面會提供炸蒜同點胡椒比客人自由添加。