金田家 (已結業)

今日收工經過元朗形點，呢個商場真係好大，行到腳軟想搵間餐廳醫肚，見到金田家，就坐底嘆碗拉麵先。一坐低就叫咗一個激辛拉麵，追加溏心蛋，友人叫咗一個黑豚拉麵，同樣追加溏心蛋同黑豚叉燒。激辛拉麵果然好辣，個種辣係辣椒粉嘅粉，並未至於不能入口，反而增加咗拉麵湯底嘅層次。而且中間有一球辣醬肉碎，本身肉碎已經好濃味，所以必須同湯頭撈勻，咁樣就剛剛好。腩肉叉燒比黑豚叉燒稍為厚些，味道帶少少甜，本人比較喜歡黑豚叉燒入口溶化的感覺。金田家既拉麵好彈牙，溏心蛋既賣相不單止好，食落又香又嫩滑，食到令人難以忘懷！餐廳坐得頗舒服，店員有禮貌，上菜速度快，拉麵有獨有特色，很值得一試，有機會會再來幫襯。