鳴虎 (已搬遷) 新店位置

今日出嚟屋企附近搵嘢食，行行吓見到呢間拉麵，又覺得好耐冇食所以心血來潮決定試吓。環境有啲日式嘅小清新風，坐得舒服，餐牌嘅選擇都幾多，亦都有佢哋主打嘅招牌同埋季節限定拉麵。《蝦味噌豬骨湯拉麵》$88第一啖當然係要試吓個湯底先啦，就咁睇個湯嘅顏色同埋香味已經聞到嗰陣好濃嘅蝦味。大量嘅櫻花蝦粉，出到黎個蝦味真係幾出，二拉麵嘅口感對我來講亦都啱啱好，有彈性，半熟蛋好好味！真係有流心效果，另外兩篇叉燒好大塊，唔孩口，好好味。《日式魚乾豬骨湯拉麵》$88呢個湯底比較大眾少少，豬骨味都幾濃，湯底偏結身啲，整體黎講都出色！之後我哋仲嗌咗款小食唐揚炸雞，炸粉唔會好厚，食到肉汁唔乾身，好味！整體來講呢間拉麵店算係幾唔錯，黎開附近嘅可以一試。