影片
更多
2018-02-18
1417 瀏覽
打邊爐一向都係香港人至愛，冬天要打，夏天都要打，特別係一班朋友齊齊出黎食野的時候，打邊爐通常都係唔錯的選擇之一。今次我地揀左呢間比較特別的邊爐，以泰式湯底為主打，出面好似無咩地方見過，原先都有擔心湯底會唔會好奇怪，搞到所有野食淥完都唔好食，點知一試發現有驚喜，大家都一致覺得唔錯，可以下次再黎食。餐廳乾淨企理，空間感唔錯，有分為圓檯及四人檯，就算多朋友黎都可以一圍咁坐，而熟食就放左係店面中間位置，款式都幾多，例如：生菜包、蝦片、雞翼、春卷、茄子、千層糕、紫米露、椰汁涼粉……同樣都係包埋任食價錢度，唔使再另外俾錢。個人覺得生菜包好食，肉碎炒得香口唔油膩，少少辣辣地咁，而生菜就夠爽脆，唔會滴水。湯底叫左青咖哩雞湯同椰雞湯：前者辣味比想像中低，唔食得辣的朋友都話接受，香料味都濃郁，試飲一啖有泰國風味；椰雞湯好濃郁椰汁味，濃到似真係落左好多椰汁，飲一啖係偏甜的感覺，但意外地打邊爐做湯底唔錯，配料煮完都好香椰汁甜味。以打邊爐配料黎講，選擇就無其他中式打邊爐咁多，不過好在應有都有，而且最重要係配料質素唔錯，食得出係新鮮，就算雪藏料都唔會有陣雪味，呢樣好難得，有時真係寧願貴少少、選擇少少，都想食物質素
餐廳乾淨企理，空間感唔錯，有分為圓檯及四人檯，就算多朋友黎都可以一圍咁坐，而熟食就放左係店面中間位置，款式都幾多，例如：生菜包、蝦片、雞翼、春卷、茄子、千層糕、紫米露、椰汁涼粉……同樣都係包埋任食價錢度，唔使再另外俾錢。個人覺得生菜包好食，肉碎炒得香口唔油膩，少少辣辣地咁，而生菜就夠爽脆，唔會滴水。
湯底叫左青咖哩雞湯同椰雞湯：前者辣味比想像中低，唔食得辣的朋友都話接受，香料味都濃郁，試飲一啖有泰國風味；椰雞湯好濃郁椰汁味，濃到似真係落左好多椰汁，飲一啖係偏甜的感覺，但意外地打邊爐做湯底唔錯，配料煮完都好香椰汁甜味。以打邊爐配料黎講，選擇就無其他中式打邊爐咁多，不過好在應有都有，而且最重要係配料質素唔錯，食得出係新鮮，就算雪藏料都唔會有陣雪味，呢樣好難得，有時真係寧願貴少少、選擇少少，都想食物質素好，呢個值得讚。
除左任食配料之外，我地仲加左個手切牛肩肉同泰Fresh船：前者上檯造型夠得意，成隻牛牛咁，牛肉雪花紋相當吸引，鮮紅的牛肉睇得出好新鮮，淥幾下轉色就食得，入口軟軟地，肉味比想像中濃郁，真心推薦要加點；泰Fresh船即是海鮮拼盤，有蝦、蟶子、青口、元貝、鮑魚、蠔，最震撼係有半條烏頭橫放，除左擺盤霸氣，其實海鮮都唔差，當然唔會100%係新鮮海鮮，不過食落CP值都高，一試無妨。
張貼
