影片
更多
2021-12-10
470 瀏覽
真係有一段時間冇黎九龍城食嘢啦，其實冇頭水食咩，純粹都係諗住可能食茶餐廳等等。咁啱見到有一間新開嘅車仔麵，不如要試吓啦，既然有新野可以試。鋪面呢個位唔算多，而且坐得有少少窄嘅。咁啱我哋兩個人可以安排到一個卡位坐，其實嚴格啲來講係三人位，有一邊嘅位係得半個。佢嘅MENU 係膠卡，用一支顏色筆喺上面圈嘢食，推行環保計劃。選擇都真係好多，菜有好多款，肉又有好多款, 雞鴨豬牛有分好多款。最開心就係見到有陳皮魚蛋，因為唔係好多地方都會有陳皮魚蛋，陳皮魚蛋嘅外皮係比較爽啲，同其他魚蛋唔同，所以我一直都好喜歡食！跟點咗個蠔油冬菇，滷水豬腸，仲有一個就係鴨腎。佢最特別嘅地方係可以揀湯嘅濃度，有清湯、濃湯，特濃湯底，咁我揀中間濃度嘅，第一次試，應該都沒有錯吧！車仔麵都黎得好快，幾分鐘就到。佢用個碗幾靚，有一堆文字喺上面，但我唔係好睇得清楚係咩字，而且勺子都配合埋有文字喺上面，成個感覺好有書畫feel，呵呵。第一啖就要試吓個湯底，睇吓夠唔夠濃味道，又真係幾好飲，個湯好夠味，有少少杰嘅感覺，我相信如果係特濃湯底的話，應該會好似日本拉麵嘅湯底咁杰。咁樣我覺得中間嘅濃度係最適合，因為我本身唔鍾意飲太濃太杰嘅湯底
鋪面呢個位唔算多，而且坐得有少少窄嘅。咁啱我哋兩個人可以安排到一個卡位坐，其實嚴格啲來講係三人位，有一邊嘅位係得半個。
佢嘅MENU 係膠卡，用一支顏色筆喺上面圈嘢食，推行環保計劃。選擇都真係好多，菜有好多款，肉又有好多款, 雞鴨豬牛有分好多款。最開心就係見到有陳皮魚蛋，因為唔係好多地方都會有陳皮魚蛋，陳皮魚蛋嘅外皮係比較爽啲，同其他魚蛋唔同，所以我一直都好喜歡食！跟點咗個蠔油冬菇，滷水豬腸，仲有一個就係鴨腎。
佢最特別嘅地方係可以揀湯嘅濃度，有清湯、濃湯，特濃湯底，咁我揀中間濃度嘅，第一次試，應該都沒有錯吧！
車仔麵都黎得好快，幾分鐘就到。佢用個碗幾靚，有一堆文字喺上面，但我唔係好睇得清楚係咩字，而且勺子都配合埋有文字喺上面，成個感覺好有書畫feel，呵呵。
第一啖就要試吓個湯底，睇吓夠唔夠濃味道，又真係幾好飲，個湯好夠味，有少少杰嘅感覺，我相信如果係特濃湯底的話，應該會好似日本拉麵嘅湯底咁杰。咁樣我覺得中間嘅濃度係最適合，因為我本身唔鍾意飲太濃太杰嘅湯底，所以呢個味道我幾喜歡！
講吓鴨掌先，好鬼硬，有啲位好似咬唔到咁，味道就OK啦
冬菇，個量都幾多，有三舊，有一舊仲要好厚身，個花紋都幾靚。但係味道方面呢，我覺得佢可以再醃得入味少少，而且個冬菇有少少鞋口！
豬腸，算乾淨，呢個幾好！
價錢方面定價就有少少貴嘅，因為佢係每個面底$10起咁計，一個餸有唔同價錢咁計，所以總數我叫咗四個餸再加一個面底，就要$54 ，唔包嘢飲，飲品另外加$15 ，車仔面黎講都幾貴，但係個量都算多，食完成碗都有整好多面底河粉.
味道其實雖然我上面有講有啲位唔算做得好好，但係我覺得整體都算OK嘅，我經過會考慮再食，因為個湯底都OK！
張貼
