海都車仔麵茶餐廳

今天上班，剛好和Foo一樣返早班，所以放午飯時，一起到附近的旺角熟食中心叫車仔麵食。海都是不二之選，因為已經食慣了，哈哈，一取點餸紙就✔️✔️✔️，隨心畫選自己今日想食的餸，即叫即面前煮，熱騰騰，暖暖胃。$41有三個餸，再加餸就每款$7，有送一杯飲品。

Foo 直接叫大雜麵 $68，入邊有八個餸，有紅腸、豬皮、咖喱魚蛋、牛雜、蘿蔔、冬菇、雞翼、豬紅。湯底可以自己揀沙嗲汁，牛腩汁，清湯或者咖喱汁等等。湯底微甜的，所以易入口，而且開胃。冬菇蘿蔔豬皮都好入味。再加杯凍檸茶少冰少甜，凍飲不用加錢。

我的車仔麵是沙爹汁湯底，微甜又惹味。蘿蔔金菇咖喱魷魚，都覺得好好味，每次食都例牌一定叫，因為蘿蔔浸透湯汁，夠入味，又清甜。金菇沒草青味，口感好。咖喱魷魚，煙韌可口，調味一流。紫菜豬耳等都覺得好好食。整個車仔麵靈魂是湯底和沙爹、咖哩等特調醬汁，令整碗麵都好好食，簡單的食材遇上美味湯底加醬汁，就是好味的精髓。