火鳳凰火鍋料理 (已結業)

火鳳凰火鍋料理出名鍋底靚，用料新鮮。鍋底有好多選擇，價錢豐儉由人。今次試咗一個中價嘅椰子紅棗清遠雞鍋，果然非常清甜！湯底可以齋飲，唔會太鹹，飲到淡淡的紅棗清香同埋椰子嘅清甜，熬出少少天然嘅雞油又唔會太油膩。最正係隻清遠雞，非常彈牙又滑又嫩，好食到停唔到口😋配料方面有以下幾款都好出色：1️⃣鮮蝦滑⭐️⭐️⭐️⭐️⭐️除咗打得好有口感之外，最有驚喜係蝦滑入面真係有原隻細蝦仔，食落更加有層次，多重享受，蝦嘅鮮味大增😍2️⃣美國安格斯雪花牛⭐️⭐️⭐️⭐️同湯底一樣，有唔同嘅價錢任君選擇，今次試咗$198 呢隻，已經非常好食！好香牛味，放落去漾兩漾烚一烚即刻起，無得頂🤩3️⃣大連鮑魚⭐️⭐️⭐️⭐️啲南非鮑魚賣晒，於是試一試大連鮑魚，果然夠晒大隻！高檔海鮮但性價比高，而且都好新鮮～總括而言，餐廳食物質素相當高，其他配料例如雲吞等都好高水準。埋單嘅時候樓面好細心咁樣同客人講解有咩優惠，又同其他同事仔細講解工作步驟，等左比較耐，除此之外，餐廳各方面都十分完美😄