靚湯工房 (非門市)

營業中

休息中

估唔到靚湯工房都有得寫食評，咁又寫下先，呢間野啲午餐都幾好食，有湯有飯六十蚊，算係咁啦，樓下茶餐廳都要五十食味精。雖然用膠飯盒，其他野可重用，叫住係少少環保咁啦。是日叫左個B1餐，外賣價$57。湯好飲，標榜無味精，是日湯叫瑤柱螺片霸王花龍皇杏無花果佛手瓜煲瘦肉湯，作用係潤肺清熱，個湯名長到hihi，唔係睇住餐牌都打唔出，味道清甜，最正夠哂熱，熱湯好好飲，潤唔潤肺就唔知，不過比人頂得多都應該潤下佢。薑蜜雞翼飯，呢個雖然有保溫袋但送到黎都係凍嘅，微微微溫啦，個盒可以叮，自行返熱吧。薑味不重，蜜糖味ok，雞翼有四隻，飯一大盒，飲埋湯超飽。