洋紫荊維港遊

營業中

休息中

屋企長老🧑🏼‍🦳👨🏻‍🦳生日🎂又係book位食飯慶祝既時候，認真香港好多餐廳、酒店自助餐都食過。土生土長既長老話今年想要特別體驗，一次過要滿足有維港景+食物岩唔同年齡層口味+有氣氛+價錢合理真係唔簡單😮‍💨。香港有維港景既餐廳平極都有個譜，好彩搵到🛳️「洋紫荊維港遊」海上自助餐🍽️。今次係北角上船，慢慢向中環方向進發，隨時可以自由上落甲板。今次超近距離見到我心目中既香港🇭🇰 非遣 —— 🌃維港 👏🏻，維港係「東方之珠」入面重要一員，每晚八點幻彩詠香江更加為維港畫龍點睛。雖然每晚係屋企都見到維港，但現場視覺效果更震撼眼球，真係百看不厭❗️上到船趁幻彩詠香江未開始前9 秒9衝去自助餐區尋寶😋，有海鮮🦞、牛扒🥩、壽司🍣、沙律🥗、冷盤、熱盤、中西式湯品、中西式甜品、雪糕、咖啡/茶等，每款試一件都飽😋。船上仲有能操多國語言既live band即場表演，仲可以點歌，相當有氣氛👍🏻，係維港聽🎵 我地大家用艱辛努力寫下那「不朽香江名句」特別有共鳴🤩。📣四月限時優惠，成人只係$370/位，長者仲有買一送一優惠，快d趁復活節假帶屋企人去體驗下啦🥳！