星巴克咖啡

營業中

休息中

新推出嘅港澳限定新品，將傳統糖水變身潮爆咖啡，仲融入咗港式風味😍【紅豆杏仁奶豆腐花拿鐵】最底層係超順滑嘅豆腐花，啜落去口感幼嫩簡直一流🤤 中間鋪滿紅豆，咬落去有顆粒感，綿中帶糯好有口感！將杏仁奶同咖啡勻勻攪勻後再飲，咖啡嘅微苦平衡咗紅豆甜度，比起茶餐廳嘅甜到漏紅豆冰，呢款真係友好好多🥰 【紅豆杏仁奶豆腐花星冰樂】呢款星冰樂絕對係視覺同味覺嘅雙重享受！頂層嘅奶油鋪滿粒粒紅豆，料超足，望落去已經好吸引👀 仲有少甜選擇，貼心度滿分💯 記得將豆腐花同冰沙充分攪勻再飲，港式風味即刻爆發！冰涼順滑，紅豆同杏仁奶嘅味道完美融合，夏天飲真係透心涼❄️【 開心果芝士蛋糕 🧀】作為開心果腦袋，見到呢款蛋糕即刻忍唔住試下😍表面淋滿開心果醬，香氣四溢，蛋糕入面仲有開心果仁🌰咬落去口感超豐富！鹹甜交織，食完真係好想再食多一件😋