十兄弟車仔麵 (已結業)

久唔久就會想食車仔麵～呢日同咗同事嚟呢間經常有人龍既車仔麵店開餐😆😆食物配料既選擇都唔少，仲可以揀做撈麵添✨自選車仔麵✨同事揀咗豬頸肉同香辣豬紅配咖喱汁河粉係對面都聞到咖喱香，同事話咖喱汁香而不嗆，整體味道唔差😚佢分左粒豬紅俾我食都真係唔錯，幾入味😊✨柱侯牛四寶✨我呢碗有齊牛坑腩、牛筋、牛肚同牛丸可以一次過食到四款牛配料，配上油麵都幾夾😉😉✨小食拼盤✨一份有五款炸物：紅腸、雲吞、花枝丸、燒賣同墨魚春卷～一款兩件，最岩同人分享又可以過足口癮🤣🤣