順流冰室 (已結業)

陪同事去灣仔電腦廣場買嘢，之後途經莊士敦道，天氣太熱又行到攰，見到順流冰室，一於入去食啲嘢同休息下。餐廳好好生意，乜都賣晒，只有常餐供應。雞扒麵：雞扒厚肉又大塊，煎炸至金黃色，皮脆肉嫩，如果麵和雞扒分開上會比較好，雞扒浸在湯會好快唔脆口，麵亦好彈牙。火腿奄列，雞蛋煎得夠香，質感尚算嫩滑。中間夾雜著一條條火腿，口感超豐富。豬扒麵，豬扒頗厚身，煎炸得夠香口又不失肉汁，出前一丁麵爽彈不會過腍。火腿煎蛋，雞蛋煎炸得香口，中間蛋黃係流心，有蛋香味，火腿味道鹹香。叉燒意粉的湯頭濃郁，彈牙的意粉吸滿了濃郁的湯和叉燒的甜味，十分惹味！火腿炒蛋，炒蛋滑溜綿密，蛋香十足。情話綿綿紅豆冰，紅豆林甜，加左滑溜的忌廉和甜美嘅棉花糖，味道更提升。椰汁大王紅豆冰，紅豆軟綿，椰汁飄香撲鼻。這個美味透心涼凍飲，是夏天最佳之選。凍咖啡香濃、滑順。晚上見到麵包有特價，即買嚟試吓！雞尾包，鬆軟的麵包體裡面包有港式奶酥餡料。