羅麥記 (V City) (已結業)

羅麥記係傳統嘅港式茶餐廳，今次同同學食飯就心血來潮好想食豬扒飯，所以就去咗附近嘅羅麥記試吓。我哋兩個女仔都好肚餓，所以都叫咗好多嘢食。必叫嘅一定係羅麥記豬扒飯麵包，份量超級大，用一個麵包包住焗豬扒飯，不過並唔係想像中咁好食。豬扒係OK嘅，都夠諗身，但係飯唔入味。另外麵包太乾，唔夠醬汁去食個麵包。不過另外個小食就好正，蝦多士夠晶瑩通透，爽口彈牙。另外仲有沙律醬，配以脆卜卜麫包，幾香口。豬頸肉芝士撈丁，味道都唔錯，芝士味都好香，不過麵質夠諗，如果硬番小小就會較好。