入座/等位： 假日下午兩點幾，都幾多人食下午茶。 等左五分鐘左右
環境：除咗燈光明亮，同其他你諗到嘅連鎖餐廳無乜分别。
食物：
叫左果XO醬豬扒炒公仔麵，$33。 哇，我以為返左十年前，下午茶物價可以落到咁低架。
咁都預左份量唔會太大份，因為下午茶餐。 食落豬扒偏乾，麵係咸底。 係填飽少少肚囉。
檸檬茶正常，應該係有用濃縮檸檬液。 因為我叫咗多檸檬，然後就非常多嘅人工檸檬味。
總結：如果行街行到一半，有少少口痕，對食物無太大要求，可以黎食下午茶。 正價我就未必會推薦食，成間商場有同類型比佢更好食嘅選擇。
