大里餐廳酒吧 (已結業)

我係彈性時間返工嘅所以唔使返咁早嘅時候都想食個靚啲嘅早餐.但係喺附近要搵坐得舒服，價錢又唔係好貴嘅，都幾難。 大家樂大快活嗰啲就咪搞啦。呢排見上水廣場樓上開咗間新嘅休閒西式餐廳就想去試吓。入到去見到個裝修都幾靚又唔會好似好多茶記嗰啲嘈喧巴閉，啲位又夠大唔使同人迫埋一齊。 見到啲嘢好平就想試吓佢個港式早餐。上到嚟見到都幾大份，有煎雙蛋，煎火腿，腸仔，厚多士，薯餅，焗豆，同埋沙律，同煎車厘子蕃茄。啲嘢煎得都幾香幾脆薯餅又正算係不過不失。咁平下次會再嚟食過。