影片
更多
2022-03-14
10 瀏覽
食開放題邊爐的我已經唔太記得高質素嘅火鍋配料係咩味⋯今日終於喚醒味蕾記憶。走入依間火鍋店好似走咗入去時光隧道咁，𨋢門打開個刻已經望見懷舊香港，置身其中打邊爐包保有得食又有得打卡。❝晏晝打邊爐二人套餐❞ ($488 不設加一)〔頂級安格斯牛頸脊〕一共有六片，極厚身而且牛味濃郁。同場加映未知姓甚名誰嘅〔薄切豬肉片〕大大塊食得滿足。配角們例如〔蜂巢豆腐〕﹑〔蟹柳棒〕一樣出色。staff仲好好人咁比多咗一款我同友人品嘗，咁啱係我地大愛嘅〔芝士竹輪〕！自從無食某連鎖店火鍋數年之後，食得翻佢真係好開心嗚。最有驚喜嘅配料係〔手工墨魚丸、牛肉丸等五款丸類〕，粒粒圓碌碌咁好治癒，完全無麵粉味，足料又彈牙。〔即包韭菜餃、鮮蝦餃、餐肉餃〕皮薄餡靚，韭菜fans很滿意～而本餐最愛係〔炸響鈴、炸魚皮〕！依到嘅炸魚皮係即叫即炸，同街邊一袋袋咁買個啲嘅酥脆程度實在差太太太遠！其他配料仲有〔新鮮蔬菜〕同〔粉麵〕，有烏冬﹑薯粉﹑出前一丁﹑刀削麵揀，今次試到薯粉索湯能力一流，因為落薯粉個下已經接近完食，湯底吸收哂卜卜蜆湯底嘅天地日月精華極級濃郁，足料鮮甜，蜆肉大大粒又無沙，係史上首次打邊爐竟然會飲埋個湯底飲到見到鍋底（以
❝晏晝打邊爐二人套餐❞ ($488 不設加一)
〔頂級安格斯牛頸脊〕一共有六片，極厚身而且牛味濃郁。同場加映未知姓甚名誰嘅〔薄切豬肉片〕大大塊食得滿足。配角們例如〔蜂巢豆腐〕﹑〔蟹柳棒〕一樣出色。staff仲好好人咁比多咗一款我同友人品嘗，咁啱係我地大愛嘅〔芝士竹輪〕！自從無食某連鎖店火鍋數年之後，食得翻佢真係好開心嗚。
最有驚喜嘅配料係〔手工墨魚丸、牛肉丸等五款丸類〕，粒粒圓碌碌咁好治癒，完全無麵粉味，足料又彈牙。〔即包韭菜餃、鮮蝦餃、餐肉餃〕皮薄餡靚，韭菜fans很滿意～而本餐最愛係〔炸響鈴、炸魚皮〕！依到嘅炸魚皮係即叫即炸，同街邊一袋袋咁買個啲嘅酥脆程度實在差太太太遠！
其他配料仲有〔新鮮蔬菜〕同〔粉麵〕，有烏冬﹑薯粉﹑出前一丁﹑刀削麵揀，今次試到薯粉索湯能力一流，因為落薯粉個下已經接近完食，湯底吸收哂卜卜蜆湯底嘅天地日月精華極級濃郁，足料鮮甜，蜆肉大大粒又無沙，係史上首次打邊爐竟然會飲埋個湯底飲到見到鍋底（以為自己食緊拉麵）。
整體黎講依到嘅配料份量貴精不貴多，配料質素高﹑唔會好似打邊爐放題咁飽到捧住個肚走，當然大家可以隨心添選額外配料，豐儉由人～
𓂃𓈒 𓂂𓏸 用餐提示 𓏸𓂂 𓈒𓂃
店鋪鋪面相當闊落，牆身到地板都滿佈玩味懷舊字體﹑海報﹑印畫﹑裝飾，非常有特色。仲有一間包廂房間可以容納8-10人，第時解封後一班人去打邊爐必訪！
餐店依家有推出四人邊爐外賣自取套餐，係附近住嘅朋友可以考慮一下（餐牌見尾圖）。
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♡♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♡♡♡
適合場景 | 二人／四人或以下／多人聚餐
張貼
