影片
更多
2020-11-15
825 瀏覽
呢度有得一人一鍋，而家呢個時間咁樣食就最衛生啦。湯底揀咗芫荽皮蛋湯同椰青湯底出邊有得攞飲品同埋蔬菜飲品種類比其他放題來講唔算好多，但係勝在有好多款啤酒俾你揀，啱晒中意同朋友一路吹水一路飲啤酒嘅人🥢前菜前菜都有好多款揀，最鍾意係蟹子沙律，作為前菜真係好清新。而海蜇，螺肉都好好味。朋友都試咗牛舌同埋黑松露粟米，都唔錯。🥢刺身呢度嘅刺身做得幾好，融雪過程做得唔錯。劍魚腩嘅油脂好好味，而帶子都有啲甜味。北寄貝同赤貝就十分之爽口😁🥢壽司壽司來講海膽算係幾推薦，放題來講質素算唔錯。而佢啲壽司飯亦都唔會整到特別大粒，可以試多啲唔同嘅種類，唔會咁快飽🤭黑松露帶子壽司亦都相當唔錯，帶子算好大粒，同黑松露嘅味好夾。🥢串燒因為仲要留肚食火鍋，所以冇嗌太多串燒。串燒質素正常，雞軟骨比較推薦，唔會燒到好硬。而菠蘿雖然切得薄，但都好甜👍🏻🥢美國肥牛、羊肉呢度都有提供兩款牛肉，一款豬肉，一款羊肉牛肉嗰兩款就一款肥啲，一款就瘦啲，睇吓你鍾意食咩肉質但食落我就覺得兩款都唔差，肥啲嗰隻就油脂感多啲，我自己就比較鍾意。而羊肉嘅羊味都重，啱晒鍾意食羊肉嘅人，而且佢切到好大片，食落10分滿足。🥢火鍋配料不過不失都係啲丸類，同埋
湯底揀咗芫荽皮蛋湯同椰青湯底
出邊有得攞飲品同埋蔬菜
飲品種類比其他放題來講唔算好多，但係勝在有好多款啤酒俾你揀，啱晒中意同朋友一路吹水一路飲啤酒嘅人
🥢前菜
前菜都有好多款揀，最鍾意係蟹子沙律，作為前菜真係好清新。
而海蜇，螺肉都好好味。
朋友都試咗牛舌同埋黑松露粟米，都唔錯。
🥢刺身
呢度嘅刺身做得幾好，融雪過程做得唔錯。
劍魚腩嘅油脂好好味，而帶子都有啲甜味。
北寄貝同赤貝就十分之爽口😁
🥢壽司
壽司來講海膽算係幾推薦，放題來講質素算唔錯。而佢啲壽司飯亦都唔會整到特別大粒，可以試多啲唔同嘅種類，唔會咁快飽🤭
黑松露帶子壽司亦都相當唔錯，帶子算好大粒，同黑松露嘅味好夾。
🥢串燒
因為仲要留肚食火鍋，所以冇嗌太多串燒。
串燒質素正常，雞軟骨比較推薦，唔會燒到好硬。
而菠蘿雖然切得薄，但都好甜👍🏻
🥢美國肥牛、羊肉
呢度都有提供兩款牛肉，一款豬肉，一款羊肉
牛肉嗰兩款就一款肥啲，一款就瘦啲，睇吓你鍾意食咩肉質
但食落我就覺得兩款都唔差，肥啲嗰隻就油脂感多啲，我自己就比較鍾意。
而羊肉嘅羊味都重，啱晒鍾意食羊肉嘅人，而且佢切到好大片，食落10分滿足。
🥢火鍋配料
不過不失都係啲丸類，同埋都有啲海鮮。
海鮮來講都算新鮮，尤其是係啲蝦幾好食。
🥢甜品
呢度比較好嘅就係佢真係有好多款甜品俾你揀，而每款都好似好有心機咁樣。
榴槤類嘅甜品做得唔錯，而抹茶芭菲都推薦👍🏻
張貼
