時新快餐店，佢嘅漢堡包真係係紅磡嘅老字號，相信係紅磡長大嘅人都唔會唔識佢，自從結業後，後期又鬧爭產時件，真係唔知邊間先係始祖。🤨🤨🤨
以前我同我同事兼好姊妹為咗食，我哋由沙田收工就搭火車去食，而佢食完，就搭車返香港仔（係，我係講緊你。）咁就知佢有幾好食啦！🤣🤣🤣
SSHKB1963 BURGER
漢堡芝士蛋包（牛）🐂🐂🐂
真係食返以前嘅味道，佢哋自制嘅沙律汁配上即叫即整漢堡，真係冇得頂，芝麻包又烘過，塊牛肉漢堡又超juicy，真係正到暈呀！
炸雞翼🐤🐤🐤
新鮮熱辣辣炸出嚟，比較偏鹹香，但可惜，炸過咗龍，比較乾身。
炸薯條🍟🍟🍟
呢個又係不得了，食薯條梗係要食即叫即炸，佢仲要用粗身波浪薯條，真係擊中我死穴，食唔停口。
菠蘿冰🍍🍍🍍
呢個就一般罐頭水菠蘿冰，但好彩菠蘿都唔算少。
整體評分：78分
